మొదటి అమెరికా ప్రయాణం

అలా అలా చక్కగా ఆనందంగా ఉల్లాసంగా ఉత్సాహంగా శ్రీ s.p.బాలు గారితో సంగీత కచ్చేరీ లు చేస్తున్న ఒక శుభ వేళలో మనం కలిసి అమెరికా వెళ్తున్నాం కృష్ణ అన్నారు బాలు గారు.అబ్బ నాకు అంత ఉందా అనుకున్నాను...కాని అంతా మన ఇష్టమా ??పైన దేవుడు ఉన్నాడు కదా.ఒక రోజు చెన్నై లో వీసా ఇంటర్వ్యూ కి వెళ్ళాము...ఆ తెల్ల దొర నన్ను మొదటగా పిలిచాడు...ఎందుకంటే ఆ ట్రూప్ లో నేను ఒక్కడినే మొదటి సారి ప్రయాణం చేసేది.వెళ్ళాను..ఒక పాట పాడమన్నాడు..సాగరసంగమం లో నాద వినోదము పాట పాడను.. నాతో బాలు గారు కూడా గొంతు కలిపారు.వీసా వచ్చేసింది.తరువాత ఇంకో ఝలక్ ఏంటంటే బాలు గారితో నేను కాకుండా ఇంకా ఎవరెవరు పాడుతున్నారో తెలిసింది...నాకెంతో ఇష్టమైన s.p.శైలజ గారు,చిన్న కోకిల చిత్ర గారు..ఏమి నా భాగ్యము అని మురిసిపోయాను....నా చిన్నప్పటినుండి చూస్తున్న ఆ మహా గాయకులతో నా ఫొటోస్ చుస్తూ ఆ దేవుడికి థాంక్స్ చెప్పుకున్నాను.నా జన్మ ధన్యం అయ్యింది అనుకున్నాను...లేకపోతే ఎంత మంది గాయకులూ...ఈ రోజున ఇంటి ఇంటిలో ప్రతి ఇంటిలో బాగా పాడేవాళ్ళు చాల బాగా ఉన్నారు..ఆ అదృష్టం నాకు దక్కినందుకు సంతోషం కలిగింది...చెన్నై లోని శైలజ గారి ఇంటిలో ప్రాక్టీసు మొదలెట్టాము...సుభాలేక సుధాకర్ గారు శైలజ గారు మమ్మల్ని ఎంత బాగా చూసుకున్నారో.చిత్ర గారు కూడాప్రాక్టీసు కి వచ్చారు...వాళ్ళు ఇంత స్థాయిలో ఉండటానికి గల కారణాలు అప్పుడు తెలిసాయి..అందరికి అన్ని వచ్చిన పాటలే..కాని ఆ డెడికేషన్,పాట పట్ల గౌరవం,ప్రేమ వాళ్ళని ఇంత ఉన్నత స్థాయిలో కూర్చోపెట్టింది..అందుకే వాళ్ళు అందరికి ఆదర్శం అయ్యారు...ఇంక ఫ్లైట్ ఎక్కే రోజు రానే వచ్చింది..

శ్రీ బాలు గారికి చాలా ఇష్టమైన సంగీత బృందం చిన్నా గారు,ప్రవీణ్ n.c,flute రవి గారు,కాంగో ఫణి గారు,పాడ్స్ కృష్ణ గారు,స్వామి గారు,గిటార్ అలెగ్జాండర్ గారు,శ్రీనివాస్ గారు,తబలా వేణు గారు,పాల్ రాజ్ గారు,సౌండ్ ఇంజనీర్ అహ్మద్ గారు,ఆహ ఆహ ఎంత మంచి సంగీత కళాకారులు అంటే మాటల్లో చెప్పలేము .మీరు తప్పకుండా వినాల్సిందే.అహంభావం లేని గొప్ప కళాకారులు వారు.వాళ్ళంటే నాకు కొంచం భయం.భక్తి..ఎందుకంటే వాళ్ళు ప్లే చేసీ ఏ పాట ఐన perfect గా ఉంటుంది.అమ్మో,నేను సరిగ్గా పాడాలి అనుకుంటూ ఇంకా బాగా ప్రాక్టీసు చేస్తాను..నేనంటే వాళ్ళకి చాల ఇష్టం..చాల సరదాగా ఉంటారు నాతో..బాగా పాడితే మెచ్చుకుంటారు..పది మందికి చెప్తారు.తప్పు పాడిన చెప్తారు..కానీ నా ఒక్కడితోనే..అందరికి కాదు..అదే వాళ్ల గొప్పతనం.వాళ్ళు అంత happy గ ఉండాలని కోరుకుంటున్నాను..అన్నట్టు నేను చెప్పాల్సిన వ్యక్తి ఇంకొకరు ఉన్నారండోయి.బాలు గారు చెప్పగానే ఒప్పుకొని నన్ను అమెరికా తేవటానికి ముఖ్య కారకురాలయిన kalaa iyer గారు..వారి ఆప్యాయత మర్చిపోలేనిది..వారికీ కుడా నా థాంక్స్ చెప్పుకుంటున్నాను...ఇదిగో మా అందరి ఫోటో.చుడండి...